RUS
Ашық бюджеттер сайтында Қазақстан Республикасының Тұңғыш Президенті – Елбасы кітапханасының қызметін қамтамасыз ету жөніндегі көрсетілетін қызметтер деп аталатын бюджеттік бағдарлама ұсынылған. Сұралған қаражат "Қазақстан Республикасының Тұңғыш Президентінің жеке кітапханасының, жеке архивінің және музейінің жұмыс істеуіне бағытталған" деп көрсетілген.
Экс-президенттің кеңсесі 100% жұмыс істеуін қамтамасыз ету үшін 2024-2026 жылдарға арналған жоспарлы кезең ұсынылған. Кеңсенің үш жылдық жұмысы үшін мынадай қаражат көлемі сұратылған:
2024 жылы — 1 195 450 000 теңге,
2025 жылы — 1 328 275 000 теңге,
2026 жылы — 1 338 684 000 теңге керек делінген.
Ал 2023 жылдың қаңтарында Назарбаев кеңсесінің жұмыс істеуіне үш жылға 5,6 млрд теңге бөлінгені айтылған болатын.
Еске сала кетсек, маусым айында қаржы министрі Ерұлан Жамаубаев "Бірінші президент Нұрсұлтан Назарбаевтың кеңсесі 45 күн ішінде таратылады" деп мәлімдеді. Министр кеңсеге бөлінетін мемлекеттің 3 млрд теңге қаржысы (6,6 млн доллар) өзге қажеттіліктерге жұмсалады деп айтқан болатын.