RUS
Астана қаласының әкімшілік құқықбұзушылықтар жөніндегі мамандандырылған ауданаралық соты ЖШС-ға қатысты үлескерлердің ақшасын тарту тәртібіне және ҚР тұрғын үй заңнамасында белгіленген тұрғын үй құрылысына үлестік қатысу туралы талаптарды бұзғаны үшін істі қарады (ӘҚБтК 320-бабының 1-бөлігі).
Іс материалдарына сәйкес, ЖШС-ның Кепілдік беру қорының кепілдігін алмағаны, екінші деңгейлі банктің жобасына қатыспайтыны, үлескерлердің ақшасын тартуды бастау үшін объектідегі тұрғын үй қаңқасы тұрғызылмағаны (құрылыс жерасты паркингінде тоқтаған), елорданың жергілікті атқарушы органының үлескерлердің ақшасын тартуға рұқсаты алынбағаны анықталған.
«ҚР тұрғын үй құрылысына үлестік қатысу туралы» заңының 18-бабында уәкілетті компания үлескерлердің ақшасын тартуды облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының рұқсаты негізінде жүзеге асырады деп жазылған.
Сондай-ақ «ҚР тұрғын үй құрылысына үлестік қатысу туралы» заңының 7-бабы үлестік қатысуды ұйымдастыру тәсілдерінің толық тізбесін қамтиды, мысалы:
1) Бірыңғай оператордың кепілдігін алу;
2) Екінші деңгейдегі банктің жобасына қатысу;
3) тұрғын үйдің (ғимараттың) қаңқасы тұрғызылғаннан кейін үлескерлердің ақшасын тарту.
Сот қаулысымен ЖШС-ға мемлекеттік бюджет кірісіне 1 млн 35 мың теңге айыппұл түрінде жаза қолданылып, әкімшілік жауапқа тартылды.