RUS
Қаржы мониторинг агенттігінің елордалық департаменті «Спорттың олимпиадалық түрлері бойынша спортты дамыту дирекциясы» КММ-нің лауазымды тұлғаларына қатысты істе тергеу жүргізіп жатыр.
Тергеу мәліметтеріне сәйкес, 2020-2023 жж.аралығында ақша жымқыру шетелде де, республика ішінде де оқу-жаттығулар мен жарыстарға бөлінген іс-сапар шығындарын асыра көрсету арқылы жасалған.
Іс жүзінде жұмсалған ақшадан айырма түрінде алынған қаражатты КММ басшылығы алып отырған.
Заңсыз әрекеттерден мемлекетке келтірілген шығын көлемі 70 млн теңгені құраған.
«КММ басшысы оқу-жаттығу жиындарын қаржыландыру мәселесі бойынша оң шешім қабылдағаны үшін жаттықтырушыдан 4 млн теңге көлемінде пара алғаны анықталды.
ҚММ бастығына қатысты қамауға алу түріндегі бұлтартпау шарасы санкцияланды», - дейді агенттіктің ресми өкілі Әлібек Әбділов.
Қазір тергеу амалдары жүргізіліп жатыр. Сондай-ақ сотқа дейінгі тергеп-тексерудің басқа деректері жария етілмейді.