RUS
4 шілдеде Ұлттық қауіпсіздік комитеті Ішкі істер министрлігімен бірлесе отырып, Батыс Қазақстан облысы прокуратурасының үйлестіруімен Алматы, Орал және Ақсай қалаларында екі қылмыстық топтың іс-әрекетінің жолын кесті.
Үш мекеме бір мезгілде арнайы операция өткізді.
Бопсалау, бұзақылық және тонау күдігімен қылмыстық топтың 20 мүшесі ұсталды.
Бірқатар тінту шаралары өткізіліп, нәтижесінде атыс және суық қару-жарақ, сондай-ақ есірткі тәркіленді.
Алдын ала мәлімет бойынша, күдіктілердің бас пайдасы үшін бейбіт азаматтарды қорқытқаны белгілі болды.
Өз кезегінде жапа шеккендер физикалық зорлық-зомбылықтан қауіптеніп, ішкі істер органдарына жүгінбеген.
Аталған топтар - бұрын сотталғандар және деструктивті діни ағым өкілдерінен құралған.
Қылмыстық топ мүшелері бір бірімен текетіресте болғандары және белгілі бір аймақтарда өз әмірлерін жүргізу үшін қару қолдана отырып қақтығыстарға барғандары белгілі.
Іске асырылған шаралар өңірдегі қылмыстық ахуалдың жақсаруына ықпал етеді.
Сотқа дейінгі тергеу жалғасып жатыр.