Қостанайлық оқушы әлемдегі ең мықты математика білгірлерінің қатарына енді
Қостанайдан келген оқушы Жан Дәуітов Халықаралық математикалық Олимпиадада «қола» медаль жеңіп алды, деп хабарлайды smartnews.kz сайты Қостанай облысы Білім басқармасының баспасөз қызметіне сілтеме жасап.
«2-13 шілде аралығында Чиба қаласында (Жапония) 64-ші Халықаралық математикалық олимпиада өтті. Олимпиада қорытындысы бойынша дарынды балаларға арналған»Білім-инновация«мамандандырылған лицей-интернатының 10 сынып оқушысы Жан Дәуітов қола медаль жеңіп алды. Бұл - Қостанай облысының тарихында 15 жылда алғаш рет болған осындай маңызды жетістік. Лицейде жылдар бойы алған білім өз жемісін берді», - деп хабарлады ведомстводан.
Бұл жас қостанайлықтың алғашқы маңызды марапаты емес. Осы оқу жылында Жан республикалық оқушылар Олимпиадасының, геометрия бойынша Иран олимпиадасының, Халықаралық Азия-Тынық мұхиты математикалық олимпиадасының алтын медалін, «Жібек жолы» халықаралық олимпиадасы және Халықаралық Жәутіков олимпиадасының күміс жүлдесін, Балқан математикалық олимпиадасының қола медалін жеңіп алған.