Блогер ақшаны барынша жеткізу үшін максималды түрде үнемдеген. Пәтер ақысы мен отбасы мүшелеріне кететін қаражатты қоспағанның өзінде, 70 000 теңге 13 күнге ғана жеткен.
Оның айтуынша, экспериментті жасаудағы басты мақсаты – расымен 70 000 теңгеге өмір сүрудің рас-өтірігін дәлелдеу. Сондай-ақ Пономарев барынша үнемдеп болсын дұрыс тамақтануға тырысқан. Десе де, ақша нан мен судан артылмайтындай деңгейде болған.
Блогер Глеб Пономарев 13 күнде белгіленген қаражатты мына нәрселерге жұмсаған:
Коммунал қызметі: 15 000 (21,4%)
Азық-түлік: 32 032 (45,7%)
Тұрмыстық химия: 2 284 (3,2%)
Шаш қию: 4000 (5,7%)
Ұялы байланыс: 2 490 (3,5%)
Жол ақысы: 480 (0,6%)
Дәріхана: 15 020 (21,4%)
Эксперимент барысында блогер барынша үнемдеген. Ешқандай ойын-сауық, тамақтану, фитнес залдар мен кинотеатрларға бармаған. Ешқандай тәттілер, алкоголь мен кофе қолданбаған. Достарымен де кездесуді доғарған. Эксперимент барысында бұл жағдайлар блогердің әлеуметтенуіне кедергі келтірген.
«Егер де экспериментке тым болмаса бір баламды қосып, киім алу, несие, ем-домды қосар болсам, экспериментім 2-3 күнде-ақ бітіп кетер еді», - дейді блогер.
Сондай-ақ эксперимент барысында Пономарев алғашқы күннен-ақ ақшаның жетіспеушілігін ойлап, қатты мазасызданғанын айтты. Негатив, ашушаңдық, апатия, қорқыныш сезімдерінің кесірінен, ақшаны қалай жеткізерін ойлап, қатты стресске түскен. Екі аптада ол 2,5 кг-ға арықтап, ауруға шалдыға бастаған. Эксперимент аяқталған соң блогер психолог терапиясына баруды жоспарлап отырғанын айтты.