RUS
Отырыста Қарағанды облысының 30-ға жуық елді мекенін электрмен қамтамасыз ететін жеке энергетикалық компанияның қызметі қаралды.
Отырысқа қатысушылар кәсіпорынға тиесілі электр желілерінің әбден тозығы жеткені атап айтты. Жөндеу жұмыстары жүргізілмеген әрі апаттық бригадалар тапшы. Жалпы тексеру барысында анықталған қайшылықтар жойылмаған. Осыған байланысты жергілікті тұрғындар электр қуатының жиі себепсіз өшіп қалуына, электр қуатының тапшылығына, кері байланыстың толық болмауына, тағы басқа да мәселелер бойынша шағымдар айтып келеді.
Әлихан Смайылов кәсіпорынға қатысты жиналған материалдарды талдап, қалыптасқан жағдайға құқықтық баға беру үшін Бас прокуратураға беруді тапсырды.
Сондай-ақ отырыста бұрын жеке меншікке берілген жоғары білім саласындағы кейбір активтерді мемлекеттік меншікке қайтару мәселесі талқыланды. Премьер-министр уәкілетті мемлекеттік органдарға тиісті құжаттар мен шарттарға тексеру жүргізуді және оларды жасасудың заңдылығына құқықтық баға беруді тапсырды. Бұл ретте Әлихан Смайылов осы мекемелердегі оқу процесінің толық тұрақтылығын қамтамасыз ету қажеттігіне баса назар аударды. Өйткені бастамашылық жасалған тексеру студенттерге немесе жоғары оқу орындарының қызметкерлеріне қатысты емес.
Отырыстарда сондай-ақ теміржол көлігі саласында бірқатар монополияға қарсы шараларды іске асыру мәселесі қаралды.