RUS
Сыбайлас жемқорлыққа қарсы қызметі Түркістан облыстық Жер ресурстарын басқару департаментінің басшысы мен оның сыбайласына қатысты сотқа дейінгі тергеу жүргізіп жатыр.
Олар жеке кәсіпкерді 18 млн теңге көлемінде пара беруге итермелеген. Қаражат Түркістан қаласында коммерциялық құрылыс салу үшін жер учаскесін беруге арналған.
Сыбайлас жемқорлыққа қарсы іс-қимыл агенттігінің берген ақпаратына сәйкес, қазір тергеу сотының санкциясымен күдіктілер қамауға алынған. Сондай-ақ сотқа дейінгі тергеп-тексеру жұмыстары жалғасып жатыр.
Агенттік тергеу аяқталмайынша, іске қатысты өзге мәліметтер жария етілмейтінін ескертті.