RUS
Екі ел ведомстолары өзара әрекеттесе отырып, ТМД елдерінің аумағында таралып келген психотроптық заттардың ірі өндірісін жою операциясын іске асырды.
ҰҚК жедел қызметкерлері мониторинг барысында Қырғызстан Республикасындағы ірі есірткі лабораториясының жұмысы туралы ақпаратқа қол жеткізген. Халықаралық өзара әрекеттестік аясында жедел ақпарат әріптестерге жолданған.
Нәтижесінде 2023 жылғы 29 шілдеде Қырғызстанның Ішкі істер министрлігі Бішкек қаласының маңында синтетикалық есірткінің дайын партиясын тасымалдап жатқандарды ұстады. Осылайша жергілікті есірткі қылмысына қатысы бар топтың көшбасшысы мен оның екі көмекшісін қолға түсірді.
Тінту кезінде 30 келі «мефедрон», 2.2 тонна прекурсорлар, сонымен қатар есірткі өндіретін құрылғы табылып, тәркіленген.
ҰҚК хабарлауынша, шет елдердің құзыретті органдарымен өзара әрекеттесе отырып халықаралық есірткі трафигі арналарын анықтау мен жолын кесу жұмысы тағы да жалғаспақ.