Ақтаудағы мектеп бухгалтері 76 млн теңге жымқырғаны үшін 7 жылға сотталды

Тергеу нұсқасы бойынша Ақтаудағы мектептердің бірінде қызмет ететін бухгалтер өзіне 76 млн теңге бөлген.

- Штат кестесі мен банктік шоттарды салыстыру барысында 3 жыл бойы өзіне артық соманы есептеп келген. Мектептің бас бухгалтеріне төленуі тиіс жалақы мен банк шотының арасындағы айырмашылық анықталды. Мектеп бухгалтері өз кінәсін толық мойындады, – делінген Маңғыстау облысы прокуратурасының хабарламасында.

Ол ҚР ҚК-нің 189-бабы ("Сенiп тапсырылған бөтен мүлiктi иемденiп алу немесе талан-таражға салу") бойынша сотталып, 7 жылға бас бостандығынан айырылды. Сот үкімі заңды күшіне енген жоқ.