RUS
«Алты айда өңірде 15 жазатайым оқиға болып, 19 қызметкер зардап шекті. Оның ішінде 13 қызметкер ауыр жарақат алып, 6 адам қаза тапқан. 2022 жылдың осындай кезеңінде кәсіпорындарда 19 жазатайым оқиға болған, соның салдарынан 25 адам зардап шегіп, біреуі қаза тапқан», - дейді облыстық мемлекеттік еңбек инспекциясы басқармасының басшысы Алигер Іңкәров.
Маңғыстау облысының санитариялық-эпидемиологиялық бақылау департаменті 2022-2023 жылдардың алғашқы алты айында өңірдегі барлық аудандар мен Ақтау және Жаңаөзен қалаларында 60 жоспарлы тексеріс жүргізген.
Бас прокуратураның тапсырмасы бойынша 6 өндірістік нысанға жоспардан тыс тексеру жүргізіліп, нәтижесінде жалпы сомасы 19 320 000 теңге айыппұл салынған.
«Тексеру барысында 164 заң бұзушылық анықталды. Оларды жою үшін 24 нұсқама беріліп, 11 әкімшілік құқық бұзушылық туралы іс қозғалып, сондай-ақ 13 ескерту жазылды», - деді Алигер Іңкәров.
Атап айтқанда, өндірістік бақылаудың жеткіліксіздігі және желдету жүйелерінің болмауы, жұмыс орындарында микроклиматтың сақталмауы және өндірістегі жұмыс жағдайларында санитариялық-гигиеналық талаптардың орындалмауы сияқты заң бұзушылықтар тіркелген.