Ақтөбелік тұрғыннан 22 орама есірткі табылды
Ақтөбеде полицейлер есірткі пайдаланушыны қолға түсірді. Бұл туралы smartnews.kz сайты хабарлайды.
"Қарасора-2023" арнайы операциясы барысында полицейлер 30 жастағы жергілікті тұрғыннан 22 орама есірткі заттарын тәркіледі.
Сараптама нәтижелері бойынша алынған зат жалпы салмағы 16,40 гр болатын а-PVP екені анықталған.
Ер адам бұл орамаларды Telegram әлеуметтік желісі арқылы интернет-дүкеннен сатып алғанын түсіндірген.
Сондай-ақ ұсталған адамның тұрғылықты жері бойынша жүргізілген тінту барысында полиэтилен пакетке оралған, ішінде ұнтақ заты бар 9 орама тәркіленген. Ол зат жалпы салмағы 7,55 гр мефедрон екені анықталған.
Ведомствоның берген ақпаратына сәйкес, ҚР ҚК 297-бабының 3-бөлігі бойынша сотқа дейінгі тергеу жүргізіліп жатыр. Ұсталған адам уақытша ұстау изоляторына қамауға алынған.