RUS
Аймақты кесіп өтетін Сырдария өзенінің бойынан құм тасыған компаниялар енді қалпына келтіру жұмысын жүргізетін болады.
«Пантокрин» компаниясы ерекше қорғаудағы аумақтан заңсыз құм тасып келген. Нақты шығын әлі есептеліп жатыр.
«Сырдария-Түркістан» өңірлік паркі орман бөлімінің меңгерушісі Мансұрбек Бурханбаевтың айтуынша, Арыс қаласында тағы 2 заңсыз жер қорғау аймағында шекаралас тұрған аймақта жұмысын тоқтатқан.
- Табиғатқа залал келтірген мекеме енді қазған жерді тегістеумен айналысады. Бұл процесс тікелей мамандардың бақылауында болады. Табиғат сақшылары тоғай маңы ерекше қорғауда екенін ескертетін белгілер мен бөгде көліктер кірмеуі үшін шлагбаум орнатты, - делінген облыстық әкімдік хабарламасында.
Табиғи ресурстарды пайдаланып келгендердің біразы Шардара ауданында да анықталған. Сырдарияның бойындағы дәл осы жерді құм тасушы компания ұзақ уақыт пайдаланып келген.
Компанияның жолы кесілгеннен кейін құм тасу үшін тағы жер сұраған. Алайда олардың арызы қанағаттандырылмаған.
Бүгінгі таңда құм тасушы компанияның вагоны әлі күнге дейін тұр. Олар бірнеше аумақты қазып тастаған. Әкімдіктің мәліметінше, енді бұл мекемеге де тиісті шара қолданылмақ.