RUS
Ұрлық фактісін бойынша Қаржылық мониторинг агенттігінің өңірлік департаменті тергеу жүргізіп жатыр.
Банк қоймасындағы қаражатты тексеру барысында 602 900 000 теңге жетіспейтіндігі анықталған.
Контроллер-кассир шамамен 1 000 000 теңгеден 4 000 000 теңгеге дейін ақшаны бөлшектеп, кассадан ұрлағаны анықталды.
- Банктің 2021-2023 жылдар аралығындағы бейнебақылау камераларының жазбалары тәркіленді, онда кассадан халаттың жеңіне оралған ақшаларды шығару арқылы ұрлау фактілері тіркелген, - делінген агенттік хабарламасында.
Сотқа дейінгі тергеп-тексеру барысында букмекерлік кеңседен оның атына тіркелген шотынан ақпарат алынып, соңғы 3,5 жылда есепшотқа 158 млн теңге түскені анықталған.
Сонымен қатар күдіктінің атына және жұбайының атына тіркелген абоненттік нөмірлерден букмекерлік кеңселердің есепшотына ақша аудару бойынша операциялар жүргізілгені туралы ақпарат келіп түсті.
Күдікті жасаған қылмысын толық мойындап, уақытша ұстау изоляторына қамалды.
Қазір сотқа дейінгі тергеу жалғасып жатыр.