RUS
17 және 24 шілдеде Ұлттық қауіпсіздік комитетінің Астана қаласы мен Ақмола облысы бойынша департаменттері, Ұлттық ұланды жұмылдыра отырып, прокуратура органдарының үйлестіруімен, синтетикалық есірткінің екі ірі жасырын өндірісінің жұмысын тоқтатты.
Заңсыз айналымнан 29 келіден аса «мефедрон» психотроптық заттары, 1 тоннадан аса прекурсорлар, сонымен қатар есірткі өндіруге арналған химиялық реагенттер мен арнайы зертханалық құрылғылар алынған.
Комитеттің баспасөз қызметінің айтуынша, тәркіленген есірткінің «қара нарықтағы» бағасы 580 млн теңгеден асуы мүмкін.
Ұсталған республикамыздың 4 азаматына қатысты сот санкциясымен қамауға алу түріндегі бұлтартпау шарасы қолданылып, қазір сотқа дейінгі тергеп-тексеру жүргізіліп жатыр.