RUS
Полиция департаменті мен бірыңғай анықтамалық қызмет бірлесіп, абаттандыру ережелерін бұзғандарға қатысты тексеріс жүргізді.
Жеті ай ішінде 1 721 құқық бұзушы әкімшілік жауапкершілікке тартылған. Ал оның ішінде 134 құрылыс компаниясы мен 89 қызмет көрсететін ұйым бар. Айыппұлдардың жалпы сомасы 19 млн теңгеден асады.
– Бұдан басқа белгіленбеген жерлерге қоқысты тастап кететін адамдарды анықтау бойынша жұмыстар жүргізілуде. Жыл басынан бері 240 жүргізуші әкімшілік жауапкершілікке тартылды. Оларға 6 млн теңгеден астам айыппұл салынды. Сондай-ақ 33 жүргізуші топырақ, қоқыс, сусымалы құрылыс және басқа да материалдарды жабынсыз тасымалдағаны үшін жауапқа тартылды, – делінген полиция хабарламасында.