RUS
Әлеуметтік желіде жарияланған видеода жасөспірім көшеде кетіп бара жатқан қарт адамға жақындап, онымен сөйлесіп жатқаны көрсетілген. Видеоға түсіріп тұрған екінші ұл оған ер адамды ұруды ұсынған.
Кейін жасөспірім жасы үлкен ер адамның бетінен бірнеше рет ұрып, бұл ісіне мәз болған сыңай танытады.
Алматы қалалық полиция департаменті баспасөз қызметінің мәліметінше, аталған факті бойынша 2007 жылы туған кәмелетке толмаған жасөспірім ұсталған.
Аталған іс бойынша "Бұзақылық" бабы бойынша Бостандық ауданы полиция басқармасында тергеу жүргізіп жатыр.
Оқиғаның мән-жайы анықталып жатыр, сондай-ақ тиісті сараптамалар тағайындалған.