RUS
"Диапазон" басылымының мәліметінше, 2022 жылы қаңтар айында облыс әкімдігінің алдына жиналған жүздеген ақтөбелік бейбіт шеруге шыққан. Алайда мұның соңы тәртіпсіздікке ұласып, көпшіліктің әкім ғимаратына баса-көктеп кіруімен аяқталды.
Еске сала кетейік, 2022 жылдың қаңтар айында Ақтөбедегі жаппай тәртіпсіздікке қатысқаны үшін 18 адам сотталды. 1 ақпанда мамандырылған сотта резонанстық іс бойынша үкім шығарылды. Ал ең ұзақ мерзім алған Нұрсұлтан Исаев екі адамды көлікпен қағып кеткені үшін 15 жыл бас бостандығынан айырылған болатын.
Сегіз адам шартты түрде жазасын алды, сонымен қатар сот тағы бірнеше айыпталушыны бас бостандығынан айыруға үкім шығарғанымен олардың нәтиже шыққанға дейін ұзақ уақыт қамауда отырғанын ескеріп жазаны толығымен өтеді деп саналды. Ал қылмыстың екі қатушысын, Ернұр Әжниязов пен Асланбек Омаровты сот толығымен ақтады. Бір қызығы, Әжниязовқа әуелі тәртіпсіздікті ұйымдастырды деп айып тағылса, кейінен сот процесі кезінде оны тек қатысушы деп айыптады.
Ақтөбе қаласындағы сот үкімінен кейін Ернұр Әжниязов заңсыз қылмыстық қудалау әсерінен болған моральдық залал үшін үкіметтен 30 миллион теңге талап етіп арыз тастады. Іс Ақтөбе қалалық сотында қаралды. Сот ұсталғанға дейін Әжниязовқа жоғары білімі бар, автокөлік жөндеумен айналысатын, төрт бала тәрбиелеп отырған адал адам деп баға берді. Ол қамауға алынғаннан кейін отбасысы қарт ата-анасының зейнетақысына күн көруге мәжбүр болған. Сонымен қатар тергеу изоляторында жатқан Әжниязовтың денсаулығы нашарлаған. Сот Әжниязовты 1 жыл 24 күн бойына заңсыз қамауда ұстауда деп есептеді.
Нәтижесінде сот Әмірбеков талапкердің арызын ішінара қағанаттандырды. Ол қаржы министрлігіне мемлекеттік бюджеттен Ернұр Әжниязовқа моральдық залал үшін 5 миллион теңге және қылмыстық іс бойынша адвокатқа және азаматтық іс бойынша заңгердің қызметіне төлеген 1 миллион теңгені төлеуге міндеттеді. Бұл алты миллион салық төлеушілердің қаражатынан төленді.