Қазақстан Германияға 90 мың тоннаға жуық мұнай жөнелтті

«Бізде Баку-Тбилиси-Джейхан мұнай құбырымен Қазақстан мұнайын экспорттау бойынша уағдаластықтар орнаған. Баку-Супса бағыты бойынша мұнай тасымалдау мүмкіндіктері айтылып жатыр. Сондай-ақ, біз бұқаралық ақпарат құралдарына Қазақстанның Германияға «Дружба» құбыры арқылы мұнай жеткізуді бастағанын айтқан болатынбыз», - деді Алмасадам Сәтқалиев Үкімет кулуарында.

Айта кетейік, бұл жеткізілімдер қазақстандық мұнайдың транзиті туралы бұрын жасалған шарттарға сәйкес жүргізіліп жатыр.

«Қазақстандық көмірсутек шикізатының көлемі халықаралық шарттар шеңберінде жүзеге асырылады. Пилоттық көлем, шамамен 90 мың тоннасы жөнелтілді. Келісімдерге сәйкес, бұл көлем ұлғаяды», - деді министр.