RUS
Smart News басылымының хабарлауынша, Түркістан облысында апалы-сіңілі қыздар ұзақ уақыт бойы еңбек құлдығында болған еді. Бұл жағдайды қыздардың сыныптастары "Көреміз" бағдарламасына айтқан болатын. Журналист Руслан Өтепбай әлеуметтік желіде қыздарды мереке қарсаңында сұлулық салонына апарған видеосын жариялады. Бұл туралы Massaget.kz жазды.
Журналист мерекеде екі қызға көңіл-күй сыйлау мақстатында шашын әсемдеуге апарған.
"Мереке қарсаңында Назгүл мен Құндызды сұлулық салонына апарып, шаштарын әсемдеп, қалыпқа келтіріп қайттық. Қыздар әдемі болып кеткен бе?" - деп жазды ол.
Желі қолданушылары бейнежазбаға "неге кішкентай қыздарға ұқсатып бірдей киіндіріп қоясыздар. Өздері таңдап кие алатын шығар", "50-60 жастағы апалар сияқты", "кішкене өсу керек шығар шаштары, әйтпесе апай болып қалды", "шашын басқалай жасаңыздаршы", "тым кәрі етіп көрсетті" деп жазды.