Оралда ер адам ұзындығы ағашпен бірдей есірткі өсірген
Өз үйінде қарасора баптап өсірген ер адам ұсталды. Бұл туралы smartnews.kz сайты хабарлайды.
4 тамыз күні Есірткі қылмыстарына қарсы іс-қимыл басқармасының қызметкерлері “Қарасора“ жедел профилактикалық операциясын жүргізді. Осылайша полицейлер қала жанындағы Коминтерн ауданында 1990 жылғы тұрғын үйінің ауласынан 60 түп қара-жасыл түсті қарасораны тапты. Бақшадан есірткіні өсіріп-баптаған іздері табылып, түгел тәркіленді.
- Табылған өсімдіктер сараптамаға жолданды. Айта кету керек, кейбір бұталар ағаштың бойымен биік өскен, - дейді полиция өкілдері.
Қазіргі уақытта ҚР Қылмыстық кодексінің 300-бабы 1-бөлігіне сәйкес сотқа дейінгі тергеу жұмыстары басталды.