RUS
Кореядағы екі жігіт 3 жылға түрмеге тоғытталмай, айыппұл төлеп, елге қайтатын болды.
Заңгердің айтуынша, сот қазақстандықтарға 3 миллион вон айыппұл салған, бұл 1 миллион теңгеден сәл асады. Әлеуметтік желіде Мейірман Шекеев айыппұл 7 күн ішінде төленуі керек екенін, содан кейін олар қамаудан босатылып, Отанына орала алатынын атап өтті.
Айта кетсек, 2002 және 2005 жылы туған екі қазақстандық Оңтүстік Кореяға 2023 жылы 25 наурызда Өзбекстаннан ұшып барған. Құжаттарындағы қателікке байланысты оларды елге кіргізбей, Инчхон халықаралық әуежайының депортация залына жіберген.
Қайтар рейсті күткен олар ұшу-қону жолағына жақын орналасқан 3,5 метрлік қоршаудан секіріп өтіп, қашып кеткен.
Екі қазақстандық та өз кінәсін мойындап, отбасыларын асырау мақсатында жұмыс істеу үшін ұшып келгендерін айтты. Олар шекараны заңсыз кесіп өтіп, қашып кетті деп айыпталады. Ұсталғандар - Түркістан облысының тумалары.