Қырғызстанда жаңа заң: пластик заттарға түбегейлі тыйым салынбақ

Жаңа заң мазмұны бойынша 2027 жылдан бастап пластик пакеттерге тыйым салынады.

Толығырақ тарқатсақ, 2027 жылдың 1 қаңтарынан бастап Қырғызстанда полимер, пластик пакеттерді өндіруге, сатуға, әрі таратуға тыйым салынады. Тиісті заңға 10 тамызда Қырғызстан президенті Садыр Жапаров қол қойған. Бұл туралы Қырғызстан президентінің баспасөз қызметі хабарлады.

Аталған заңда көрсетілген тыйымды бұзған жеке тұлғаларға – 10 мың сом (шамамен 114 доллар), заңды тұлғаларға 28 мың сом (315 доллардан астам) айыппұл салынбақшы.

Қабылданған заңда тыйым салынған пластик бұйымдардың тізімі жасалған. Оларға мына заттар кіреді:

– бір жолғы қолданыстағы пластик ыдыстардың барлық түрі;
– тамақ салатын бір реттік қаптар;
– ПЭТ (полиэтилентерефталат, РЕТ) пластик бөтелкесі;
– жұмыртқа салатын пластик ыдыс;
– кофеге арналған пластик капсулалар.