RUS
Қырғызстанда 2023 жылдың алғашқы жартыжылдығында некені тіркеу мен ажырасу сиреген. Бұл деректі Қырғызстан Цифрлық даму министрлігі жанындағы Тұрғындарды тіркеу департаменті берген.
Мекеме ақпараты бойынша, биыл алғашқы жартыжылдықта республикада 19 347 неке тіркелген. Бұл 2022 жылдың осы кезеңімен салыстырғанда 2 687-ге аз.
Астаналық Неке сарайында ең танымал күн 2023 жылдың 23 наурызы болған. Сол күні 62 неке қию салтанаты өтті.
Сонымен қатар, Қырғызстан азаматтары ажырасуға да өтінішті аз бере бастаған. 2023 жылдың алғашқы жартыжылдығында 5 814 жұп ажырасса, 2022 жылдың осы кезеңінде 6 067 отбасы некені бұзуға өтініш берген.