RUS
19 тамыз күні кешкілік VITA іздеушілер жүйесіне әйел адам қоңырау шалып, көмек сұраған.
– Не істерімді білмеймін. Шарасыз күйге тап болдым. Менің кішкентай қызым көшеден қағаздарды алып келді. Бұл хаттарды велосипедпен жүрген бейтаныс адам берген. Бұл – өлім алдында жазылған мәтін. Учаскелік инспектор телефон тұтқасын алмайды, – дейді хабарласқан белгісіз әйел адам.
Телефон соққан әйел адам Теміржолшылар ауылында тұратыны белгілі болды. Ол бұл хабарламаны кім жазып жіберуі мүмкін екенін мүлдем түсінбей отыр.
– Біз хаттың қашан жазылғанын және автордың қанша жаста екенін білмейміз, бәлкім ол Теміржолшылар ауылында тұрмауы да мүмкін. Ер адамның оны қайдан тапқанын және неге кішкентай қызға бергенін білмейміз. Әлеуметтік желіде табылған барлық Айнұр Р. деген қолданушыларға жаздық, бірақ ешқандай нәтиже жоқ, – дейді еріктілер.
Еріктілер бұл жөнінде полицияға хабарлаған. Әзірге Павлодардағы VITA іздеу жүйесі хат авторын іздеп жатыр. Хаттың толық мәтінін осы жерден оқи аласыздар.