RUS
Антикоррупциялық қызмет Сот әкімшілігінің қауіпсіздік бөлімімен бірлесіп, жасырын іс-шаралардың нәтижесінде Тараздың №2 соты судьясының 2 млн теңге сомасында пара алғанын әшкерелеген.
Судья сотталушыдан іс жүргізу кезінде қылмыстық іс бойынша бас бостандығынан айыру емес, басқа жаза тағайындағаны үшін ақшалай қаражат алды деген күдікке ілінген.
«Қылмыстық-процестік кодекстің 550-бабының тәртібімен Қазақстан Республикасының Бас прокуроры сотқа дейінгі тергеп-тексеруді жалғастыруға келісім берді. Қылмыстық-процестік кодексінің 201-бабына сәйкес өзге ақпарат жария етуге жатпайды», – делінген Антикор мәлімдемесінде.