RUS
Бостандық аудандық полиция басқармасының хабарлауынша, ер адам енді сотқа тартылуы мүмкін.
«ҚР Әкімшілік құқық бұзушылық туралы Кодексінің 434-бабы (Ұсақ бұзақылық) бойынша іс қағаздары күдіктінің тұрғылықты жері бойынша Атырау қаласына, соттың қарауына және одан әрі шешім қабылдауға жіберілді», - деп хабарлады Алматы полициясы.
18 тамыз күні Алматыдағы азық-түлік дүкендерінің бірінде белгісіз ер адам қыздың кеудесін ұстап алған. Жәбірленуші дүкендегі бейнежазбаны бөлісіп, оның жазалануын сұрады. Осы ретте ескеретін жайт, Қазақстанның қылмыстық кодексінде әлі күнге дейін жыныстық қудалауға қатысты заң жоқ.