RUS
Атырау қаласы мен облыс мектептерінде бұрын-соңды оқу орындарында жұмыс істемеген, бұл кәсіпке еш қатысы жоқ «өлі жандар» табылған. Қызметкерлер мен оқушылар саны бірдей мектептерді әртүрлі қаржыландыру фактілері де анықталған.
Бір мұғалім бес мекемеде қатар жұмыс істеген, сонымен қатар кейбір білім беру ұйымдарының басшылары лауазымдық жалақыларына қосымша үстемеақы аударған.
– Бұдан басқа, мектепке дейінгі білім беру мекемелерінде 51, орта мектептерде 30 қызметкердің жалған дипломды пайдаланғаны анықталды, – деп мәлімдеді Атырау облысы бойынша Сыбайлас жемқорлыққа қарсы іс-қимыл қызметінің превенция басқармасының басшысы Жәнібек Қаражанов Қоғамдық кеңес отырысында.
Аталмыш заң бұзушылықтарды жою үшін Антикор ЖАО деңгейінде бюджеттік өтінімдерді қалыптастыру және бекіту процестерін автоматтандыруды, қызметкерлер контингенті бойынша деректерді автоматты сәйкестендіру үшін интеграцияны қамтамасыз етуді және мектепке және балабақшаға кіру және шығу кезінде мұғалімдерді бақылауды ұсынды.