RUS
Сабантой мерекесі жыл сайын өңірімізде тойланады. Қалыптасқан дәстүрге сәйкес қала тұрғындары мен қонақтары Бейбітшілік аралында өтетін шараға қатысып, татар халқының салт-дәстүрімен, әдет-ғұрпымен танысып, ұлттық тағамдарынан дәм татты.
Жылда кең көлемде тойланатын ұлттық мереке түрлі ұлт өкілдерін бір шаңырақ астына біріктірді. Семейлік қолөнер шеберлерінің сәндік-қолданбалы бұйымдар көрмесі қойылып, Абай облысының өлкетанушылары ескі жәдігерлер топтамасын халыққа ұсынды.
Сондай-ақ, татар мұражайы «Татар халқының тұрмыс-тіршілігі мен салт-дәстүрі» тақырыбында экскурсия ұйымдастырды. Бұдан бөлек, концерттік бағдарлама ұсынылып, республиканың түкпір-түкпірінен келген өнерпаздар өнер көрсетті. Қала тұрғындары мен қонақтары түрлі байқауларға қатысып, татар халқының ұлттық ойындарын тамашалады.