RUS
НеМолчи қоғамдық қорының дерегінше, оқиға 24 тамыз күні Асанбай-Асқаров көшесінің қиылысында болған. Бейнекамераға түсіп қалған көріністе Glovo компаниясының курьері мотоцикльмен қыздың жанынан өтіп бара жатып, оның бөксесін ұрып кеткені анық көрінеді.
- Бұл – қызға қолсұғушылық, қорлау. Әйелдердің қайсысы осындай төмен әрекетті бастан өткізбеді? Менің ойымша, әрбір әйелдің басына бар жайт осы. Түрту, итеру, бөксесінен салып қалу, тиісіп кетеді. Мүмкін, ойлау қабілеті төмен бұл адам өзін мачо сезінетін шығар. Ал қыз баласы не сезінді? Ашуланып, тітіркеніп, жек көріп, өзін лас сезінді. Біздің заңда осылай тиісетіндерге жауапкершілік қарастырылмаған, содан кейін де мұндай лас мінез-құлыққа жүген жоқ, - делінген қордың сипаттамасында.
НеМолчи қоғамдық қоры курьерді тауып, жауапкершілікке тарту үшін полиция департаментіне үндеу жасады.
Жағдайға қатысты Glovo компаниясы пікір білдірді. Олар курьердің кім екендігін анықтап жатқанын айтты.
Ал желі қолданушылары курьерге қатысты қарсылығын білдіріп, күндіз де қыздарға қауіпті болып бара жатқанын алға тартты.