RUS
19 қыркүйекте Ақтау қалалық полиция бөліміне жергілікті тұрғын арызданған. Оның айтуынша, 18 қыркүйек күні кешке 9 шағынаудандағы бір үйдің жанында ер адам мысықты швабрамен ұрып, өлтірген. Кейін оқиға орнынан бой тасалаған.
Облыстық полиция департаментінің дерегінше, аталған факті Қазақстан Республикасы Қылмыстық кодексінің 316-бабының 2-бөлігі (Жануарларға қатыгездік көрсету) бойынша Ақтау қаласы ППБ-на тіркелді.
Күдікті анықталған. Қазір қылмыстық іс бойынша барлық қажетті тергеу шаралары жүргізіліп жатыр. Басқа мәліметтер тергеу мүддесі үшін жарияланбайды.