RUS
Қылмыс туралы полицияға Алматы қаласы Әуезов ауданының тұрғыны хабарлаған.
«Ол 8-ші ықшамаудандағы үйлердің бірінің ауласында кенеттен жанынан мопед өтіп кеткенін айтты. Ал көлік жаяу жүргіншінімен қатарласқанда белгісіз біреу ұялы телефонды жұлып алып кеткен. Оқиға орнынан алыс емес жерде оқиғаға қатысы бар тағы бір адам – сатып алушы тұрды. Күдіктілер қамауға алынды. Бұл - 2002 жылы туған Ж.есімді азамат және 2004 жылы туған М.есімді азамат. Ұрланған телефондарды сатып алушы да анықталды, ол - 1976 жылы туған И.есімді азамат. Оған қатысты ҚР ҚК-нің 196 бабы бойынша қылмыстық іс тіркелді. Ал негізгі айыпталушылардың әрекеті ҚР ҚК-нің 191-бабы 2-бөлігімен сараланады. Күдіктілердің бұрын жасалған осыған ұқсас қылмыстарға қатысы бар-жоғы анықталуда», - деді, Әуезов аудандық ПБ-на қарасты полиция бөлімінің бастығы Еділхан Байғараев.
ҚР ҚК-нің 201 бабына сәйкес өзге ақпарат тергеу мүддесіне орай жария етілмейді.
ҚР Конституциясының 77 бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.