RUS
Самбо күресіне Алматы қаласы, Алматы және Жетісу облыстарының полиция департаменті атынан 80-нен астам палуандар, сонымен бірге Талдықорған ДШБ десантшы-әскери қызметшілері қатысқан.
– Біз қаза тапқан батырларымызды құрметтейміз және еске аламыз. Ержан Ахметовтің артында жұбайы мен балалары қалды. Бүгін спорттық шараға құрметті қонақ ретінде оның жары Баян да қатысты. Турнирде біріншілік үшін бақ сынайтын спортшылардың арасында оның достары да аз емес. Турнир жыл сайын республикалық және халықаралық жарыстарда өнер көрсететін үздік самбистерді анықтау мақсатында өткізіледі, – деді Жетісу облысы ПД бастығының орынбасары Талант Жұмабеков.
Жалпы командалық есепте үздік команда атағын Жетісу облысы полициясының самбистері жеңіп алды. Екінші орынды Алматы қаласы ПД командасы иеленді. Жеке біріншілікте әртүрлі салмақ дәрежесінде 21 жеңімпаз анықталып, олар медальдармен, грамоталармен марапатталды және 50 мыңнан 150 мың теңгеге дейінгі ақшалай сертификаттармен марапатталды.
Еске сала кетсек, “Арлан” арнайы бөлімшесінің жауынгері Ержан Ахметов 2013 жылдың маусым айында қарулы қылмыскерді ұстау кезінде қаза тапқан.