RUS
Форумда әлемнің әртүрлі елінің сарапшылары мен ғалымдары жаңа технологиялық революция кезеңіндегі жоғары білімнің дамуы мен инновацияларын талқылады.
Саммитке Қазақстанның жеті университеті қатысты. Форум аясында аталмыш альянсқа 14 жаңа жоғары оқу орны қосылды, оның қатарында Алматы Менеджмент университеті де бар.
Гүлнар Күренкеева «Адамзат үшін ортақ қауымдастыққа жол: «Бір белдеу, бір жол» білім беру ынтымақтастығы» панельдік сессиясында сөз сөйледі:
«Біз Қазақстанда әркез бизнес-білім берудің пионерлері болдық. Бизнесте өз жолын енді бастаған кәсіпкерлерге басқаруды үйреттік. AlmaU –Қазақстандағы алғашқы MBA және DBA бағдарламаларын ұсынған оқу орны. Тарихы тереңде жатқан Жібек жолы мен AlmaU арасында тек қана географиялық емес, сонымен қатар символикалық байланыс та бар. Біздің университет Жібек жолы құндылықтарын – бейбітшілік пен достықты, ашықтық пен инклюзивтілікті, өзара оқытуды мен тиімділікті қамтитын дәстүрлер мен инновациялар арасындағы көпір. Біз бәріміз жаңа дәуірге қадам бастық. Мұнда бәсекелестік – серіктес, кедергілер – жаңа мүмкіндіктер, ал Жібек жолы университеттерінің альянсы – ең жақсы тәжірибелер, ақыл-ойлар мен шешімдер арасындағы ынтымақтастық алаңы».
Форум аясында Гонконг Үкіметінің Білім бюросы Орталық Азия университеттерімен арнайы кездесу өткізді.