Қазақстанда ажырасудың жиі кездесетін себептері аталды

Мәдениет және ақпарат министрі Аида Балаеваның айтуынша, Қазақстандықтардың ажырасуының ең көп тараған себебі – маскүнемдік пен нашақорлық. 

Екінші орында, ерлі-зайыптылардың бірінің құмар ойынға тәуелділігі (құмар ойынына деген ессіз құмарлық). Үшінші – тұрмыстық зорлық-зомбылық, төртіншісі – зинақорлық, бесінші – ерлі-зайыптылардың үйлесімсіздігі.

Балаева осы себептердің барлығын негізінен психологиялық сипатта болатын "заманауи кемшілік" деп атады.

"Барлық мәселелер отбасынан басталады. Бала осындай ортада өссе есейгенде әйеліне немесе жақын туыстарына күш көрсетуі мүмкін", - деді министр.

Ол отбасының барлық мүшелеріне, әсіресе әйелге құрмет болу керектігін айтты.

"Әйелді сыйлаған еркек оған қол көтермейді. Бұл дәстүрлі отбасы құндылықтарының мәселелері. Осының барлығын түсіндіріп, сіңіріп жатырмыз, өйткені барлық мәселелердің басы отбасынан басталады. Біз, үлкендер, балаларды сүйіспеншілікпен және қамқорлықпен өмір сүретіндей тәрбиелеуге жауапты болуымыз керек. Сондай-ақ агрессия жинамауымыз керек", - деді Балаева.