RUS
Бейнежазбада балалар арасындағы қауіпті ойынның “Өлсең де жүгір” деп аталатыны айтылған. Бейнежазбадан жол жиегінде тұрған баланың жүріп келе жатқан көліктің алдына жүгіріп шыққанын көруге болады.
Ішкі істер министрлігі әлеуметтік желіде тараған ақпараттың шындыққа жанаспайтын жалған ақпарат екенін мәлімдеді.
"Қостанай облыстық ПД бейнежазба астында жарияланған ақпараттың шындыққа жанаспайтынын хабарлайды. Бейнежазбадағы жол-көлік оқиғасы 8 қазанда Рудный қаласында болған. "Daewoo Nexia" маркалы автокөліктің жүргізушісі бағдаршамның қызыл түсіне өтіп, кәмелетке толмаған жасөспірімді қағып кеткен. Осы факті бойынша полиция Қылмыстық кодекстің 345-бабының 1-бөлігі (Жол қозғалысы ережелерін бұзу) бойынша сотқа дейінгі тергеу бастады", – делінген полиция хабарламасында.
Министрлік ел бойынша мұндай фактілер тіркелмегенін мәлімдеді. Полиция департаменті жалған мәлімет тартқандарға жауапкершілік қарастырылғанын атап өтті.