“Өз отбасымды мысал етіп айтып берейін. Менің үш балам бар. Үлкен ұлым 1994 жылы дүниеге келген. Қазір жасы 30-ға толды. Ол бұл бағдарламаға қатыспайды. Яғни, келесі жылы ол тіпті өтініш те бермейді. 2000 жылы туған қызым бар. Ол да қатыспайды. Кенже ұлым 2007 жылы дүниеге келген. Оның атына Бірыңғай жинақтаушы зейнетақы қорында шот ашылады. Бірақ 2023 жылы ол небәрі 17 жаста болады. Яғни бұл әзірше оған қол жетімді болмайды”, – деді Ибрагимова.
Ибрагимова ұлын мысалға келтіре отырып, 2007 жылы туған бала 2024 жылы кез келген екінші деңгейлі банкті, "Отбасы банкін" немесе өзіне ыңғайлы болып көрінетін басқа қызметті таңдап, электронды цифрлық қолтаңба арқылы өтініш беретінін түсіндірді.
“2023 жылы туылған немерем бар. 2041 жылы 19 қаңтарда, дәл 18 жасқа толған күні ол БЖЗҚ-дағы жеке шотында жинақталатын жинақ ақшасын алады. Яғни, ең көп соманы 2023 жылы туылған балалар алады”, – деді ол.