RUS
Атыраудағы Мақат ауданының прокуратурасы алимент берешегі бар борышкерлерге қатысты рейдік іс-шара ұйымдастырған.
Осылайша алимент төлемей қашып жүрген 2 борышкер әкімшілік жауаптылыққа тартылса, 12 адамның көлік басқару құқығы тоқтатылды.
Жалпы шара барысында алимент төлемей жүргендерден 1 млн 777 мың теңге өндірілді. Прокуратура 2 айдан астам алимент берешегін төлемеген тұлғаларға қатысты ҚР ҚК 139 бабына сәйкес қылмыстық жауапкершілікке тартылатынын ескертеді. Бұл бапта екі жылға дейін бас бостандығынан айыру жазасы көзделген.