RUS
"Эко Маңғыстау" НПУ Маңғыстаудағы Оңтүстік Қаратұрын кен орнындағы апат фактісі бойынша қылмыстық іс "Экоцид" бабы бойынша қаралуы тиіс деп мәлімдеді.
Тергеудің бастапқы ақпаратына сүйене отырып, экологтар бұл қылмыстық немқұрайлылық дейді.
"Оқиғаның сипатын ескере отырып, мен істің ҚК-нің 169-бабы "Экоцид" бойынша қаралуын талап етемін. Өрттің салдарынан пайда болған метан шығарындылары бойынша халықаралық сарапшылар қауымдастығының назарын аударып үлгердік", – деді "Эко Маңғыстау" НПУ басшысы Кирилл Осин.
Экоцид – өсімдіктер мен жануарларды жаппай қыру, атмосфераны, жер немесе су ресурстарын улау, сондай-ақ экологиялық апат немесе төтенше экологиялық жағдай туғызған өзге де іс-әрекеттер жасау. Бұл әрекет үшін азаматтығынан айыра отырып, 10 жылдан 15 жылға дейінгі мерзімге бас бостандығынан айыру жазасы қарастырылған.
Еске сала кетейік, Оңтүстік Қаратұрын кен орнындағы өрт 9 маусымда болған. Содан кейін бұрғылау құралының көтерілуі нәтижесінде № 303 ұңғымадағы ашық газ субұрқағына өткен газ-су қоспасының шығуы орын алды деп хабарланды.