RUS
2023 жылдың 7 қарашасында Сарыкемер ауылының Киікбаев атындағы мектеп-гимназиясының 46 оқушысы мен 2 мұғалімі Байзақ ауданы орталық ауруханасының жұқпалы аурулар бөліміне тамақтан улану белгілерімен жүгінді. Тексеру нәтижелері бойынша 35 адам ауруханаға жатқызылды – 33 оқушы және 2 мұғалім, - делінген ақпаратта.
Прокуратураның хабарлауынша, санитарлық-эпидемиологиялық қызмет тиісті тексеруді тағайындады.
Аталған жайт Байзақ аудандық полиция бөліміне қылмыстық кодекстің 304-бабының 1-бөлігі бойынша («cанитариялық қағидаларды немесе гигиеналық нормативтерді бұзу») сотқа дейінгі тергеп-тексерудің бірыңғай тізіліміне тіркеліп, іс аясында қажетті тергеп-тексеру шаралары жүргізіліп жатыр, - деп хабарлады Жамбыл облысы прокуратурасы.
Қылмыстық істің тергелу барысы облыс прокуратурасының бақылауына алынған.
Айта кетейік, бұған дейінЖамбыл облысы Байзақ ауданындағы мектеп-гимназияда бастауыш сынып оқушылары уланғаны белгілі болды. Ауруханаға түскендердің негізгі бөлігі – 7-10 жас аралығындағы балалар. Оларға жедел тағамдық токсикоинфекция диагнозы қойылды.