RUS
«Бір қызығы Төтенше Жағдайлар министрлігінің ресми өкілі Жанна Дәуренбекова Байқоңыр ауданында 5 бірдей адамның жанып кеткенін білмеймін дейді. Байқоңыр аудандық ТЖД сол беті жоғалды. Байқоңыр ауданы әкімінің баспасөз хатшысы Үкілім менде ақпарат бар, бірақ бере алмаймын, ТЖД берсін дейді», – деп жазды журналист.
Ақбөпе Тәңірбергеннің айтуынша, әкімдік бұл жатақханадан тірі шыққандарды сол күні алып кетіп, қонақ үйге орналастырған. Оған бұл ақпаратты қайтыс болған адамдардың көршілері айтқан.
«Қайтыс болғандарды кеше жерлеген. Басқа ақпарат бергілері жоқ. Жасырып-жауып отыр екен. Қайтыс болған бөбөктер 5-6-7 жас шамасында деді. Байқоңыр ауданы ТЖД хабарлассам телефонды алған Данияр Сәбитович 3 күн бұрын болып кеткен нәрсе ғой, қайтесіңдер дейді. Оларға 5 адамның өлімі түк емес. Әбден еттері үйреніп кеткен сияқты», – деп жазды ол.
Қазақстанда мұндай қайғылы жағдай алғаш рет емес. Жақында Аягөзде төрт бала өртенген еді. Оның алдында 2019 жылы Астананың Көктал-1 елдімекенінде көмірмен жылынатын жер үйде өрт шығып, бір отбасының бес қызы көз жұмды. Бұл қайғылы оқиға қоғамда резонанс туғызыған болатын.
2021 жылы Жамбыл облысына қарасты Жаңатас қаласында да газ балоны өртеніп, бір отбасының кәмелетке толмаған бес баласы қаза тапқан болатын.