Үш жылдық бюджеттегі теңге бағамы неге қазіргі көрсеткіштен төмен – министрдің жауабы

«Бірінішден, бүгінде теңге бағамы 480 теңгеге жетті. Ұлттық банк төрағасының орынбасары өз баяндамасында теңге бағамы жыл басында 469 болғанын айтты. Біз теңге бағамы тұрақты болады деп болжап отырмыз», - деді министр. 

Сондай-ақ ол теңге бағамының бір жылдағы құбылу дәлізі үш жылдағы дәлізден өзгеше болатынын айтты. 

«Мысалы, былтыр бір долларға шаққандағы теңге бағамы 500-ге дейін барды. Соның өзінде Үкімет теңгенің нығаятынын болжады. Бұл жолы да сондай жағдай болады. Жалпы теңге еркін ағысқа жіберілген. Ал бюджет саласында баға сәл консервативті деңгейін сақтап тұр. Инвесторларға да, халыққа да тұрақты болатыны туралы белгі тастап отырмыз. Теңге бағамы біз күткеннен төмен болса, қосымша түсімдер пайда болады», - деді Әлібек Қуантыров.

Ол сонымен қатар алдағы үш жылда теңге бағамы 460 теңгеден төмен де, жоғары да болуы мүмкін екенін атап өтті.