RUS
SmartNews басылымының хабарлауынша, Қазақстан мен Грузияның жас пианистері «Мәдениеттер диалогы» халықаралық жобасы аясында екі елдің ұлттық камералық музыка кешін ұйымдастырды.
Концерт бағдарламасында қазақ және грузин композиторларының фортепианаға арналған үздік шығармалары орындалды. Грузияның жас пианистері біздің отандық музыканы ерекше шабытпен орындады.
Тбилиси консерваториясының студенті Дэвид Кецбая өз әсерімен былай бөлісті: «Мен үшін жаңа және әдемі шығарманы орындағаныма қуаныштымын. Мен ойнаған «Япурай» қазақ әні тақырыбындағы шығарма өте нәзік және әуезді, менің ойымша, бұл поэтикалық музыкалық әуен қазақ халқының кең дала сияқты ақкөңіл әрі ашық мінезін бейнелейді».
Іс-шараны ұйымдастырушы пианист – «Art-Forum of Kazakhstan» халықаралық шығармашылық ұйымының директоры Ерназар Гимарат жас пианистердің достығы бір ай бұрын Алматыда грузин музыканттары қатысқан алғашқы халықаралық фортепиано музыка фестивалінде басталғанын айтты. Содан кейін Ұлттық академиялық музыканың бірлескен мерекесін құру идеясы пайда болды.
Концерт Вано Сараджишвили атындағы Тбилиси мемлекеттік консерваториясында өтті, онда қазіргі уақытта Құрманғазы атындағы Қазақ ұлттық консерваториясының магистранттары ғылыми тағылымдамадан өтуде. Осы кеште қазақстандық жас композитор Карина Измаилованың «Арнау» шығармасының тұсаукесері өтті.
Екі халықтың музыкасы көрермендерді біріктіріп, жанрлық әртүрлілік, тақырыптық спектрдің кеңдігі, әртүрлі стильдер жағынан жарқын көңіл-күй мен әсерлер, сыйлады.