Ақтөбе облысында жол апатынан үш адам көз жұмды
19 қараша сағат 05:45 шамасында Ақтөбе-Орынбор тас жолының 73 шақырымы Мәртөк ауылының маңында Audi, Lexus және Subaru forester автокөліктері соқтығысқан. Бұл туралы ҚР ІІМ баспасөз қызметі хабарлап отыр.
Салдарынан Lexus және Subaru forester автокөлігінің жүргізушілері мен Subaru-да болған жолаушы оқиға орнында қаза болды. Lexus жолаушысы Мәртөк ауданының ауруханасына жеткізілді.
ҚР ҚК 345-бабы 4-бөлігімен сотқа дейінгі тергеп-тексеру жүргізілуде.