RUS
Бұл СПЕКА мүше елдерінің жетекші сала өкілдерін, зерттеушілері мен инновацияларын бір платформада біріктіретін аймақтағы айтулы оқиға.
Көрменің мақсаты – қатысушы елдердің (Әзірбайжан, Қазақстан, Қырғызстан, Тәжікстан, Түркменстан, Өзбекстан) экономикалық әлеуетін көрсету, өзара тиімді ынтымақтастық мүмкіндіктерін талқылау және мемлекеттер арасындағы аймақтық экономикалық байланыстарды нығайту.
Көрмеде цифрлық шешімдердің шетелге экспортын ұлғайту мақсатында СПЕКА-ға мүше елдер арасындағы ынтымақтастықты одан әрі дамыту мақсатында отандық GovTech, EdTech шешімдері және Industry 4.0 жобалары ұсынылды.
Министрлік Әзірбайжанның келесі мемлекеттік органдарымен бірқатар кездесулер өткізді, атап айтқанда: министрдің орынбасары Самир Валиев төрағалық ететін Энергетика министрлігі, министр Мұстафаев Вугар төрағалық ететін Қорғаныс өнеркәсібі министрлігі және Министрдің орынбасары Фарид Ахмедов төрағалық ететін Цифрлық даму және көлік министрлігі.
Сондай-ақ Экология және табиғи ресурстар министрлігі, Инновациялар және цифрлық даму агенттігі және Мемлекеттік статистика комитетінің өкілдерімен кездесулер ұйымдастырылды.
Кездесулер нәтижесінде Әзірбайжан тарапы цифрландыру саласындағы екіжақты ынтымақтастықты одан әрі дамытуға мүдделі.