RUS
Ұлтаралық татулыққа сызат түсірген желі қолданушысына қылмыстық іс қозғалып, халықаралық іздеу жарияланды. Бұл туралы Kazinform сайты жазды.
Әлеуметтік желіде елдегі ұлтаралық татулыққа сызат түсіріп отырған ер жігіттің видеосы тарады. Ол балағат сөздер айтып, ессіз әрекеттер жасаған.
Полицейлер шұғыл қабылдаған шаралардың нәтижесінде бейнежазбаның авторын анықтады. Қазіргі уақытта шетелде жүрген Түркістан облысының 28 жастағы тұрғынына халықаралық іздеу жарияланды.
«Аталған факт бойынша Қазақстан Республикасы Қылмыстық кодексінің 174-бабы «Әлеуметтік, ұлттық, рулық, нәсілдік, тектік-таптық немесе діни алауыздықты қоздыру» бойынша қылмыстық іс қозғалды. Күдіктіге халықаралық іздеу жарияланды. Сотқа дейінгі тергеу басталды» - делінген Түркістан облысы полиция департаментінің баспасөз қызметі таратқан ақпаратта.
Ал, бүгін күдікті мен оның ата-анасы қазақ халқынан және Президенттен кешірім сұрады.