"Әйелімнен қорқамын": әнші Нұржан Керменбаев тоқал алуға қорқып жүргенін айтты

SmartNews сайтының хабарлауынша, әнші Нұржан Керменбаев әйелімен қарым-қатынасы туралы айтты.

"Ринго" тобының солисі Аян Бірбаев Instagram парақшасында Нұржан Керменбаевпен видео жариялады. Әнші Аян Бірбаев "Қап-қарашкадан" қойған сұрақтарының бірі "Үй шаруасына қалайсыз?" болды.

"Шынын айтқанда, үй шаруасына өте нашармын. Үйленген соң бірде-бір рет шаң сормаппын. Бірде-бір рет еден жумағанмын. Ондай болмаған. Ыдыс-аяқ жумаймын. Кірді менің әйелім де жумайды, кір машина жуады ғой", - деп күлді Нұржан Керменбаев.

Аян Бірбаевтың "Үйдің бюджеті кімнің қолында?" деген сұраққа әнші "Әйелім ұстайды, әйелдің ұстағаны тиімді" десе, "Тоқал алуға қалай қарайсыз?" деген сұраққа әнші күлкісін тыя алмай қалды.

"Недеген сұрақ?! Біреулер алып жатса, норма деп қараймын. Мен неге алмаймын? Өйткені мен әйелімнен қорқамын", - деп шынын айтты Нұржан Керменбаев.