Бір-біріне аяусыз зорлық көрсеткен қыздардың төбелесіне не себеп?

SmartNews сайтының хабарлауынша, әлеуметтік желіде бірнеше қыздың төбелесіп жатқан видеосы тарады. Онда хиджаб киген екі оқушы бір бойжеткенді тепкінің астына алғанын көруге болады. Оқиға Дағыстан астанасы Махачкалада болған. Бұл туралы AstanaTV арнасы жазды.

Соңғы кезде әлеуметтік желіде осыған ұқсас түрлі сұмдық тарап жатыр. Бұл жұртшылықты дүрліктіріп қойды. Жеткіншектердің есіруіне, тым қатыгездігі мен жауыздығына, бір-бірін өлтіруіне не себеп?

"Қандай тәрбие көріп шығады, содан да болады. Кейбір балалар борлады, ата-анасы барын беріп, тәрбиелеп шығарса да бұзылып кететін балалар болады. Ер азаматтар болсын, қазір қыздарды көріп жүрмін. Көшеде тұрады, ұят, тіпті. Көрдім талайын", - дейді Аналар кеңесінің мүшесі Кәмила Омарова.

Қыздар арасында мұндай жағдай «өтпелі» кезеңде жиі болады. Олар өз қатарластарының арасында мықты болып көрінгісі келеді. Сөйтіп ашу-ызаға жиі бой алдырады. Психологтар бала бойындағы «қатігездіктің» пайда болуына ата-ананың тікелей қатысы бар, -дейді.

Балаға ата-ана ашумен жауап қайтаратын болса, ұрысу арқылы, ұру арқылы, осы арқылы бала іштей қорқып қалады. Одан кейін күші жеткен адамдарға өз күшін көрсете бастайды. Яғни, өз-өзіне мен күштімін дегенді дәлелдегісі келеді. Одан кейін барлық адамдарды жау ретінде көре бастайды. Сондықтан да агрессия орын алып жататын жағдайлар көп боп жатады, - дейді психолог Анаргүл Ибрайымбекова.