RUS
Smartnews.kz сайтының хабарлауынша, осы жылдың 8 желтоқсанында Ақмола облысы ПД-да екі ақмолалыққа қатысты Красный яр ауылы мен Қарағанды облысының тұрғындарынан өтініш келіп түсті.
Олар ұзақ уақыт бойы Ақмола облысының бұрынғы ерлі-зайыптылары, кәмелетке толмаған балаларын асырауға алимент төлеу жөніндегі міндеттерді атқармайтынын хабарлады.
Бірінші жағдайда, 32 жастағы ақмолалықтың 12 жастағы ұлын асырау бойынша қарызының сомасы 2 млн 138 мың теңгені құрайды. Екінші жағдайда, тағы бір әке өтініш берушінің айғағы бойынша 2020 жылдан бастап кәмелетке толмаған қызын асырауға алимент төлемейді, ер адамның берешегі 1 млн 138 мың теңгені құрайды.
"Екі факті де ҚР ҚК-нің 139-бабы 1-бөлігі (Балаларын күтіп-бағуға арналған қаражатты төлеу жөніндегі міндеттерді орындамау, еңбекке қабілетсіз ата-аналарын, еңбекке қабілетсіз жұбайын (зайыбын) күтіп-бағуға арналған қаражатты төлеуден жалтару) бойынша Сотқа дейінгі тергеп-тексерулердің бірыңғай тізілімінде тіркелген",- делінген хабарламада.
Естеріңізге сала кетейік, ата-аналар кәмелетке толмаған балаларды, сондай-ақ күндізгі оқу нысаны бойынша білім алатын немесе еңбекке жарамсыз кәмелетке толған балаларды асырауға міндетті. Үш айдан астам уақыт алимент төлемеген борышкерге ҚР шегінен тыс жерлерге шығуға уақытша шектеу, сондай-ақ лицензиялар, рұқсаттар және арнайы құқықтарды иеленуде, мысалы, автомобиль көлігін жүргізу құқығын беруде уақытша шектеу белгілеу түріндегі қосымша мәжбүрлеу шаралары қолданылуы мүмкін.
Ақпарат көзі Polisia.kz сайтында: https://polisia.kz/aqmola-oblysynyng-politsejleri-aliment-tolemegen-ata-analardy-anyqtady/