RUS
Smart News басылымының хабарлауынша, Бибігүл Төлегенова отандастарына арнаған үндеуінде барша қазақстандықтарды Тәуелсіздік күнімен құттықтады.
16 желтоқсан тек Тәуелсіздік күні ғана емес, сонымен қатар Қазақстанның халық әртісі Бибігүл Төлегенованың туған күні.
"Құрметті достар! Сіздердің баршаларыңызды, мемлекетіміздің Тәуелсіздік күнімен құттықтай отырып, баршаларыңызға зор денсаулық тілеймін, ұзақ өмір тілеймін. Кеше жауған аппақ қардай аппақ көңіл тілеймін. Тыныштық болсын, елімізде амандық болсын. Іштегі дау, сырттағы жаудан сақтасын. Аман-есен болыңыздар. Келесі мерекелерді де аман-есен қарсы алайық. Мереке құтты болсын! Келе жатқан Жаңа жылдарыңыз да құтты болсын!" - деді Бибігүл Төлегенова.
Еске сала кетсек, опера әншісі 1929 жылы 16 желтоқсанда Шығыс Қазақстан облысы Семей қаласында туған. Аты аңызға айналған қазақстандық опера әншісі, актриса әрі педагог, Социалистік еңбек ері, КСРО халық әртісі, КСРО мемлекеттік сыйлығының лауреаты, сондай-ақ тәуелсіз Қазақстанның бірнеше наградалары мен атақтарына ие болған.